Divins nosse pitite vèye,on fameûs évèn’mint:
On a d’mandé à dljins d’aler vôter
Po remplacer les conseillers.
Divins totes les cwènes on z’a placardé
Des bèlès afiches avou les tiesses qui vos kinohez.
Mi,d’ji m’dihéve: » Mi djoû è-st-arivé,
Dji va poleûr anfin régner et d’vins tot Spa mi kitaper ».
On n’a nin volou di m’binète tote rascrâwé.
C’est po çoula … dji so buzé.
Portant dj’aveû fèt d’bèlès afiches
Avou m’portrèt;ça féve minme ritche.
Dji m’veyéve dèdja conseiller,échevin,
Dinant à tot l’monde des pougnèyes di mins.
Djl’reù minme tchanter l’Internationale
Po poleùr div’ni conseiller communal.
E si dj’aveü situ échevin,
Djel djeùre,dj’âreus distribué tot m’trêt’mint.
mins qui volez’ve c’èst co raté,
Eco ine fèye … dji so bûzé.
Dj’aveû stu trover on grand mossieû,
Dj’èsteû moussî foû d’la tot ureûs.
I m’aveût dit : » Avec la tête que vous avez
Vous êtes cent pour cent sûr de passer.
Vous devez surtout promettre beaucoup. »
Mi dji m’dihéve promète èt t’ni c’èst deû.
Non,non,non,non qui m’disait,faites ce que j’dit
Promettez-leur le » Paradis »
Dj’a fêt çou qu’i m’a dit dè fé,
Mågré çoula … dji so buzé.
Mi feume c’èsteût co pé,
Ele mi vèyéve dedja député.
Ele voléve bin qu’dji m’prézintahe ås élections
A ine seule condition : qui dji li pâye on mantê di vison
Mi,dji m’dihéve ça s’poreût co bin fé
Avou tos lès pltits à costés.
Dj’aveû calculé,dj’aveû trové l’solucion.
Mais cwand arriva li résultat des élections,
Saint non di hu po l’mantê d’vison avou c’èsteût raté
Pusqui ma fwè … dji so buzé.
Asteûre vèyéz-ve mi dji m’console
Tot m’dihant dji n’so nin tot seû
Qui n’îrè nin à conseil,divins l’géole
Wice qui n’årèt qu’dès djins sérieuse
Adieu député,échevin,conseiller.
Dji rinteûre è m’trô tot d’seûlé,
Dj’a pierdou totes mès ilûsions,
Dji. so djusse bon a fé 1-‘couyon.
Ine feye di pus… c’est co raté,
Ine feye di pus… dji so buzé.
Lucien Lamby (Cerke dès sizes walones Spa)