Li fièsse dès mames

Avoù on pô dè r’tard. Mins va mi tard, Quu may.

Divins l’tins, cwant nos-estis tos èssonne
Et qui l’meûs d’may arrivéve
On s’dimandéve
« Qui va-t’on atch’ter a nosse mame po s’fièsse?

Eune dihéve, on bê norèt po z’aler moude,
L’aute, on tchapè po z’alér fèner
Li treuzinme, dès noûs solés po z’alér à mèsse.
C’èsteut bin pu malahèye qu’on n’pinséve
Di trover ine saqwè a s’convenance
On saveût bin qu’èle dihéve tofèr
« Ni fé nin dès falbalas
Et ni k’taper nin vos cans dès tchinis »
Adon-pwis, nos n’avîs wère di manôye
divins nos spagne-mas.

Mi soûr propôsa: si on li prindéve on p’tit buskèt d’fleûrs.
Dès fleûrs! Ele énn’a assé è djardin,
éle sont ossi bèles qui lès cisses dè magazin.
Nos avans tûzé èt ratûzé.
Et po lî prové noste amour
Nos l’avans chaskeune a nosse toûr
Serré, di totes nos fwèces so noss coûr.

Marie Arcq


Laisser un commentaire

Votre adresse de messagerie ne sera pas publiée. Les champs obligatoires sont indiqués avec *