Li coûr dèl pitite mohone dèl rowe Dagly bat’ todi

Mon Diu, qu’c’èst vî, mon Diu, qu’c’èst måssî. C’èst tot toumé, portant, ça d’véve èsse bê… On lî dinreût on p’tit côp d’ramon, on lî rindreût sès veûles, sès hayes ! Tinez, dji so sûr qui d’zos li spèheûr di couleûr qu’i-n-a so l’ouh’, i-n-a-st’-on bê bwès qui vike todi èt qui n’dimande qu’ine saqwè, c’èst d’poleûr rèspirer.
Awè, c’èst ine vrèye mohone spatwèse. Nin ine di bèton come lès cisses dè djoû d’oûy. Nèni dizos li d’vanteûre di cimint, c’èst des bonès pîres dèl pîrîre Pirosson, dèl Rowe « dè Djeû di Paume ». Ele vîke èl rowe Dagly dispôy 1600. Elle èsteût là divant Pierre-le-Grand, Djôsèf II, Servais, Marie-Henriette. Elle a vèyoû passer dès mèyes èt des mèyes di Bobelins qu’alît s’porminer è Parc dès 7 eûres . Poqwè fâ t’-i l’distrûre ? Po fé on « building » qui n’a ni cou ni tièsse ? Poqwè n’li rindreût-on nin vèye ? Ci sèreût si bê on p’tit botike avou dès « spéciålités » di nosse bone vèye di Spå… Li coûr dèl pitite mohone bat’ todi !

Pol Jehin (correction Lucien Brodure)


Laisser un commentaire

Votre adresse de messagerie ne sera pas publiée. Les champs obligatoires sont indiqués avec *